சரியா..? தவறா...?

மழையே....

உன் இயல்புதான் என்ன...??

மிதமான மழையைத் தந்து 

மனதை மகிழ்விக்கிறாய்...

மெருகு கூட்டுகிறாய் பூமியை...

அவ்வப்போது 

அடைமழையைத் தந்து

அடை காக்கிறாய் மக்களை 

அண்டங் காக்கைகளாய் வீட்டுக்குள்....

வக்கிரமான மழையைத் தந்து 

வெள்ளத்தை உருவாக்கி

வேதனையையும் தருகிறாய்...

இயற்கையே இப்படியெனும் போது

இயற்கையிலிருந்து உருவான 

இந்த மனித இனம் 

இதற்கென்ன விதிவிலக்கா...??!!

இடத்திற்கு ஏற்ற 

இயல்பு சரியா..?? தவறா...??

  

புதிர்

உன்னையும் அறியாமல்

உனக்குள் உறைந்து நிற்கும் 

உற்சாக உணர்வு....

எதிலும் எப்போதும்
ஏங்கி நிற்கும்
எதிர்பார்ப்பு.....

கணநேரமும் கலையாமல்
கண்ணுக்குள் இருக்கும்
கருவறைப் பாசம்...

ஊர் விட்டு இருந்தாலும்
உள்ளம் தொடும்
உறவுப் பாலம்....

விளக்கங்கள் கொடுத்தாலும்
விளங்கிட முடியாத
வித்தை....

அனுபவித்தால்  மட்டுமே
அருந்த முடியும்
அமுதம்.....

புத்தகமாய் எழுதினாலும்
புரிந்திட முடியாத
புதிர்....

பருகியவர்களுக்கு
பதில் தெரியும்...
பருகாதவர்களுக்கு
பதில் இதோ.....

காதல்....!!!