அன்னையர் தினம்
அன்னையரின்
அருமை பெருமைகளை
அசை போடும் தினம்!
அகத்தின் அவாக்களை
நகமெனக் கருதி
நறுக்கி வைத்து விட்டு
மகட்களின் தேவைகளை
முன்னிறுத்தும் முன்னோடி!
பெற்ற பிள்ளைகள்
பரணியில் புகழ் பெற
பற்றுடன் பாங்கைப்
புகட்டும் போராளி!
குழந்தைகளின் குறுநகையில்
குதூகலம் காணும்
குல விளக்கு!
தீய பழக்கம் தீண்டாமல்
தீ வேலியாய்த் தடுத்து நிற்கும்
தீர்க்கதரிசி!
உயிர் போகும் தருணமும்
உள்ளத்தில் உறைந்து நிற்கும்
தாய்மையும் தவிக்குமே
நான் பெற்ற செல்வங்கள்
நல்ல படியாய் வாழ
நல்வழி கொடு இறைவா என்று
இறைவனிடம் இறைஞ்சியே
இறைவனடி சேரும்!
அன்னையர் அனைவருக்கும்
அன்னையர் தின வாழ்த்துக்கள்!
- விஜி பாலாஜி
