புரிந்தது மரமே.....!!!

ஓ...... மரமே...!!

உனது இலைகளை 

எல்லாம் எங்கே....???

இலையுதிர் காலத்தால் 

இலைகளை இழந்தாயா ...???

ஏமாற்றாதே எங்களை...

எனக்குத் தெரியும்...

இலைகளின் உயிரை 

உறிந்து கொண்டு சருகுகளை 

உதிர்த்து விட்டாய் ....!!!

உயிர் கொடுத்து 

உருவாக்குவாய் இலைகளை 

அரும்புகளாய்.....

இயற்கை  எழில் கொஞ்சும் 

இளவேனிற் காலத்தில்......!!!

பனியிலிருந்து இலைகளை 

பத்திரப் படுத்தும் உன் 

புத்திசாலித் தனம் 

புரிந்தது மரமே......!!!

 

என்ன நடக்கிறது இங்கே.....???

ஊழலுக்கு எதிராக 

சட்டம் இயற்ற 

ஊழல்வாதிகளின் 

சம்மதம் வேண்டும்.....

காந்தியவாதியின் 

காலவரையற்ற உண்ணா விரதப் 

போராட்டம் அறிவிப்பு...

விளைவு.....??

ஊழல்வாதியும் 

காந்தியவாதியும் 

ஒரே சிறையில் அடைப்பு...!!

என்ன நடக்கிறது இங்கே...???

ஜன நாயக அரசா...??  இல்லை ...

ஊழல் நாயக அரசா....??

என்று மாறும்???

பெண்ணியம் பேசுவதையும்
பாரதியம் பேசுவதையும்
பைத்தியமெனப் பார்க்கும்  நமது
பாரபட்ச சமூகத்தின்
நிலை என்று மாறும்???

பெண்களை சிறுவயதிலிருந்தே
அடுப்பங்கரை வேலைக்கும்
ஆயா வேலைக்கும்
தயாரிக்கும் நமது
தரங்கெட்ட சமூகத்தின்
நிலை என்று மாறும்???

அரசியல் ஆதரங்களுக்காகவும்
ஆட்சியைப் பிடிக்கவும்
அப்பாவி மக்களை
ஆண்டியாக்கும் நமது
அராஜக சமூகத்தின்
நிலை என்று மாறும்???

ஊழல் செய்வதும்
ஊரை ஏமாற்றுவதும்
உலகத்தில் புதிதல்ல என்று
ஊறிப்போன நமது
உறுதியற்ற சமூகத்தின்
நிலை என்று மாறும்???

என்று மாறும் என்று மாறும்
என்று எழுதிக் கொண்டே
இருக்கும் நமது
இயலா சமூகத்தின்
நிலை என்று மாறும்???!!!