அன்பும் அமைதியும் ஆரத் தழுவ,
இன்பமும் ஈகையும் ஈரெட்டாய்ப் பெருக,
உண்மையும் ஊக்கமும் ஒன்றாய்ச் சேர,
எண்ணமும் ஏகாந்தமும் ஏற்றம் பெற,
ஐயமின்றி அமையுமே
ஒழுக்கமான ஓங்கிய வாழ்வு!
ஔவையின் மொழிப்படி
இஃதெல்லாம் ஒழுகப் பெற்றால்
எந்நாளும் நன்னாளே தான்!
சாதி, மதம் செத்தொழிந்து சமூகம் சிறப்பின்,
பசி, பட்டினி பறந்து பாருயர்ந்திடின்,
பஞ்சம், வறுமை வேரறுத்து பாரெழுமின்,
ஊழல், ஒழுக்கமின்மை ஒழித்து ஊரெழுமின்,
குற்றம் ,குழப்பம் குறைத்து கூடியிருப்பின்,
கற்றலும் கல்வியும் கனிந்திருப்பின்,
சுற்றமும், உற்றமும் சூழ்ந்திருப்பின்,
எந்நாளும் நன்னாளே தான்!
