ஈன்றெடுத்து ஈருயிராகிய இணையில்லா உறவே!
மார் பிழிந்து பாலூட்டிய
மனமார்ந்த மகிழ்வே!
தாலாட்டித் தூங்க வைத்த
தன்னிகரற்ற தருவே!
ஏதுமறியா அகவையில்
எறும்பண்ட விடாமல்
என்னைக் காத்த ஏணியே!
கதைகள் ஆயிரம் சொல்லி
கதகதப்பளித்த கருணையே!
பசி பட்டினியறியாமல் பேணிக் காத்த பெட்டகமே!
நல்லறத்தையும் நற்பண்புகளையும்
நயத்துடன் நல்கிய நல்லுறவே!
தன்னுயிர் துச்சமென
என்னுயிர் உச்சமென
எண்ணும் ஏகாந்தமே!
நித்திரையிலும் உனது
நாடித்துடிப்பில் நீங்காமல்
நிலைப்பது நான்தான்!
ஊருணியாய் ஊற்றெடுக்கும்
உனது உன்னத அன்புக்கு
நிகரான கைம்மாறு
நிச்சயம் இல்லை!
இருந்தாலும் சொல்வேன்
ஆழ்மனதில் என்றும்
ஆணிவேராய் நீ
அமர்ந்திருக்கிறாய்
அனுதினமும் என்னுடன்
அளவாடிக் களித்திருக்கிறாய்!
அன்னையர் தின வாழ்த்துகள்!🤱🏻💐
No comments:
Post a Comment