கடலின் மடியில்
கடற்கரை மணலில்
மங்கும் மாலைப் பொழுதில் - எனது
மனதில் தோன்றிய வரிகள்
கடலுக்கு நான் எழுதிய மடல்!
கடலுக்கு மடல்!
ஓயாது அலைகளை ஒதுக்குகிறாய்
ஒரு பொழுதும்
ஓய்வின்றி இயங்குகிறாய்!
அலைகள் உனது ஆரவாரமா
அல்லது உனது
மனதின் பாரமா?
அலைகளைப் பார்த்தால்
ஆர்ப்பரிக்கும் மனது
அலைகளின் ஓசையில் அமைதியாகிறது! - உனது
அலைகளின் அணைப்பு
அழகான அரவணைப்பு! - உனது
அலைகளின் அசைவு
அன்னையின் தாலாட்டு!
கடலின் அலைகள்
உடலில் மோதினால்
மனதின் அலைகள்
மடிந்து விடும்!
மதி மயங்கி விடும்
மனம் முக்தி பெறும்!
கடலின் அலைகள்
காணாமல் போவது போல்
மனதின் அலைகளும்
மாறித்தான் போகின்றன!
கடலே! - நீ
அடங்காமல் அலைகளை
உருவாக்கி உலகுக்கு
உரைத்த பாடம்
உரைத்தது - உனக்கு
ஓராயிரம் நன்றி🙏🏻
- விஜி பாலாஜி
No comments:
Post a Comment